တနင်္ဂနွေ

အောင်မြင်နေသူများ အပင်ထိပ်ရောက်နေသည့်အလား အမြင့်ဆုံးဖြစ်နေနိုင်သလို မအောင်မြင်သူများကလည်း အဝီစိအထိဆင်းသွားနိုင်သော လဖြစ်သဖြင့် စီးပွားရေးလုပ်ငန်းသစ် စလိုသူများ အထူးသတိထားသင့်သည့်လ ဖြစ်သည်။ တနင်္ဂနွေနံ အလုပ်ဖြစ်သည့် "ဦးရှင်ကြီး" တင်ခြင်းသည် ဝါထွက်ကာလ ဖြစ်သည့်အားလျော်စွာ အကျိုးပေးလတ္တံ။ ပညာရေးအနေဖြင့် ကိုယ်တိုင်ကြိုးစားခြင်းထက် ကြိုးစားထားသူထံမှ ကူးယူခြင်း၊ မေးခွန်းဝယ်ခြင်းများက ပိုအကျိုးရှိနိုင်သည်။ အချစ်ရေးတွင် ဆန့်ကျင်ဘက်လိင်ထက် လိင်တူများက သင့်ကို သဘောကျနေတတ်သဖြင့် သတိပြုပါ။ မြေအောက်အိမ်သာသွားခြင်း၊ ဓါတ်လှေခါး တစ်ယောက်တည်းစီးခြင်းများ ရှောင်ပါ။ ကံပွင့်စေမည့် ယတြာမှာ ဥတစ်လုံး (ကြက်၊ဘဲ၊ငုံး) ကို ခေါင်းပေါ်အသာရွက်၍ အုန်းပင်အောက်တွင် ခြေတပေါင်ကျိုးရပ်ရင်း "ဥ တစ်လုံးတည်းရှိသူရယ်ပါ" ဟု ဖြတ်သွားဖြတ်လာများကို ၁၅ မိနစ်ခန့် နှုတ်ဆက်ပါ။

တနင်္လာ

မကောင်းသတင်းနှင့် သတင်းဆိုးများ စုံတွဲ၍ ကြားရတတ်သည်။ လစာနည်းသော်လည်း အထက်လူကြီး မကောင်းသည့် ကုမ္ပဏီများတွင် အလုပ်ရတတ်သည်။ ကိုယ်ပိုင်အလုပ်အနေဖြင့် ချဲထိုးခြင်း၊ ဂျင်ကစားခြင်း၊ ကဒ်စွဲခြင်း စသည့်နေ့တူနံတူများ အားကောင်းနေသည်။ နာမည်မကြီးသေးသူများ နာမည်ကြီးလိုပါက ခပ်ကြီးကြီးပြင်ရေးနိုင်သည်။ တနင်္လာသားများအတွက် ပညာရေးအထူးအားကောင်းသော အောက်တိုဘာလဖြစ်သဖြင့် စာပေလေ့လာခြင်း၊ ကျက်မှတ်ခြင်း၊ တွက်ချက်ခြင်းများ လုံးဝမလုပ်ဘဲ စာမေးပွဲသာသွားဖြေပါလေ။ အောင်ကိုအောင်ရမည်။ မအောင်လျှင်ကျလတ္တံ့။ နှလုံးသားလှသူများ ရုပ်ဆိုးစိတ်ပုပ်သူများနှင့် အတွဲအဘက်ဖြစ်အံ့။ နှလုံးသားမလှသူများ ကံတူအကျိုးပေးနှင့် အကြောင်းပါအံ့။ ကောင်းသထက်ကောင်းလာစေမည့် ယတြာမှာ - ကြောင်ချီး (လတ်လတ်ဆတ်ဆတ်)ကို ကြွပ်ကြွပ်အိတ်တွင်ထည့်၍ အိမ်သို့အလည်လာသူတိုင်းကို "ယနေ့ကြွလာ မိတ်သဟာ ချမ်းသာကိုယ်စိတ် မြဲပါစေ" ဟု ရေရွတ်ပြီး လက်ဆောင်အဖြစ်ပေးပါ။

အင်္ဂါ

စိတ်ရောကိုယ်ပါ ဖလမ်းဖလမ်းထအောင် လန်းဆန်းဖျတ်လတ်နေတတ်သည်။ ရပ်ဝေးရပ်နီးမှ ဆွေမျိုးများတက်လာပြီး တဝတပြဲ စားသောက်သွားသဖြင့် သင်ကိုယ်တိုင်မှာ ဘုန်ကြီးကျောင်း၊ စတုဒီသာ စသည်တို့နှင့် ရင်းနှီးလတ္တံ့။ လူအနေဖြင့် ကျန်းမာသော်လည်း မိမိစီးသွားသောကား ဂက်စ်အိုးပေါက်ခြင်း၊ မသမာသူ လူတစု ဗုံးခွဲမည့်အနားတွင် ရှူရှူးထိုင်ပေါက်မိခြင်း စသည့်ကုသိုလ်ကံများကို ထင်ထင်ရှားရှားတွေ့နေရသည်။ ပညာရေးအားနည်းသဖြင့် စာကျက်ခြင်း၊ စာမေးပွဲဖြေခြင်း၊ သင်တန်းတက်ခြင်းများ လုံးဝမလုပ်ဘဲ အလေလိုက်နေပါ။ အိမ်ထောင်ရေးတွင် ၂ ဖက်ယောက္ခမများ ဝင်ရောက်စွက်ဖက်တတ်သဖြင့် ရိုက်နှက်ဆုံးမထားပါ။ ယတြာချေလိုပါက အင်္ဂါနေ့ မွန်းတည့် ၁၂ နာရီတိတိတွင် စိန်ပန်းပင်အောက်သွား၍ (ပါးစပ်နှင့်အပြည့်ရှိသော) စကျင်ကျောက်ခဲတစ်လုံးကို စိစိညက်ညက်ကြေအောင်ဝါးရင်း စိပ်ပုတီးစိပ်ပါ။

ဗုဒ္ဓဟူး

စိတ်ကူးစိတ်သန်းကောင်းလေးများ ရှိနေတတ်သည်။ အသက်ငယ်ရွယ်သူများက ကြီးပေါကြီးဟု သဘောထားကာ ဆရာတင်ခြင်း ခံရတတ်သည်။ ခန္ဓာကိုယ်ရှိ ဗုဒ္ဓဟူးနံ အင်္ဂါအစိတ်အပိုင်းများ အားနည်းတတ်သည် (ဥပမာ လက်)။ ရုပ်ရှင်ရုံထဲတွင် ရဲဖမ်းခံရခြင်း၊ ရပ်ကွက်လူကြီးသမီးကို ရစ်သီရစ်သီလုပ်မိခြင်းတို့ကဲ့သို့ "အသွားမတော်တစ်လှမ်း" များဖြစ်နေတတ်သည်။ ပညာရေးသမားများ လာဒ်ပေးခြင်းသာ အောင်မြင်ရာ၏ ဟု နှလုံးသွင်းထားပါက ပိုသင့်တော်မည်။ အချစ်ရေးတွင် လက်နှေးခြင်း၊ လက်တုန်ခြင်း၊ လက်ကြောသေခြင်း၊ လေဖြတ်ခြင်းများခံစားရနိုင်သဖြင့် သတိပြုပါ။ ဗုဒ္ဓဟူးသားများအတွက် ယတြာအနေဖြင့် ရဲစခန်းတစ်ခုသို့သွားကာ ရမန်ကြီးဖြင့် အချုပ်ခံရစေရန်အတွက် "ရက်စက်မှုတွေကို ရပ်တန်းကရပ်ပါ" ဟု ရေငတ်လာသည်အထိ အော်ပါ။ အချုပ်ခံရလျှင် အဆိုးများပျောက်ပြီး အညံ့များသာကျန်သည်ဟု မှတ်ပါ။

ကြာသပတေး

ဝါကျွတ်ကာလဖြစ်သည့် အားလျော်စွာ ဖယောင်းတိုင်မီးဖြင့် နေရအံ့။ မိစ္ဆာအယူရှိသူတို့ကြောင့် ဘုန်းတော်ကြီးများပင် ဘုရားတက်ရ ခက်နိုင်သည်။ စီးပွားရေးအနေဖြင့် ပူဖောင်းရောင်းခြင်း၊ ဘုရားတွင် ဖိနပ်စောင့်ခြင်း၊ ဖားရိုက်ခြင်းစသည့် နံတူအလုပ်များ ဖြစ်ထွန်းလတ္တံ့။ ပညာရေးတွင် "ဖွတ်ကျား" ဟုအမည်တွင်လောက်အောင် ထူးချွန်ကိန်းမြင်သဖြင့် အတန်းပိုင်ဆရာကို ပုဝါ၊ပါတိတ်၊ပိုက်ဆံတို့ဖြင့် ကန်တော့ထားပါမှ အောင်ရုံလောက်ရှိမည်။ သင့်အတွက် အချစ်သစ်ဖြစ်သော်လည်း သူ့အတွက် အချစ်ဟောင်းဖြစ်နေမည့် ဖူးစာဖက်များရကြလတ္တံ့။ ဥပမာအားဖြင့် သင့်အချစ်ဦးသည် မုဆိုးဖိုကြီး၊ လက်ရှိမယားငယ် ၂ ယောက်ရှိပြီးသူ စသည့်ပုဂ္ဂိုလ်ထူးကြီးများ ဖြစ်နေတတ်သည်။ သို့သော် စိတ်မပူနှင့်။ သင့်ကိုလည်း ရေရှည်ပေါင်းမည်မဟုတ်ချေ။ ယတြာကောင်းကောင်းလိုချင်သူများ အနေဖြင့် ပန်ကာ ၂ လုံးကို ချိုင်းကြားညှပ်ပြီး အထပ်မြင့်မြင့် ပြတင်းပေါက်တစ်ခုမှ “လေယာဉ်ပျံလာပြီ” ဟုအော်ရင်း ၃ ကြိမ်ခုန်ချပါ။

Friday

သောကြာ

အောက်တိုဘာလတွင် ကံအကောင်းဆုံး မွေးနေ့ရှင်များဖြစ်သည်။ အလှူအိမ်မှ ကျန်သော စားကောင်းသောက်ဖွယ်များ၊ လျော့ဈေးဖြင့်ရောင်းသော နေလောင်ထားသည့် အဝတ်အစားများရတတ်သည်။ ကံကိုယုံ၍တော့ ချီးပုံ မနင်းမိရန်လိုသည်။ သောင်း၊ သိန်း၊ သန်း စသည့် ပိုက်ဆံနာမည်ပါသူများ သူများတွင်မရှိသည့် ရောဂါဆန်းများရတတ်သည်။ သို့သော် ခဏသာ ခံစားရမည်ဖြစ်ပြီး အချိန်တိုအတွင်း သေသွားမည်ဖြစ်၍ စိုးရိမ်ရန်မလို။ အိမ်ထောင်ပြုလိုသူများ သူများကလေးကို ကိုယ့်ကလေးအဖြစ် နာမည်တပ်ခံရတတ်သဖြင့် အသေအချာ စိစစ်ရန်လိုသည်။ ယတြာမှာ ၇ ရက်ဆက်တိုက် ဒူးရင်းသီးကြီးကြီးတစ်လုံးကို ခေါင်းအုံးအိပ်ရင်း “ဒုက္ခတွေကနေ ဝေးပါစေ” ဟု ဆန္ဒပြုပါ။

စနေ

မကောင်းသော အကြံအစည်များ အကောင်အထည်ပေါ်ပြီး အကြံကောင်းများ ပျက်စီးကိန်းရှိသည်။ တောင်စဉ်ရေမရ စကားများကြောင့် တက်တက်ပြောင်ကိန်းလည်းရှိသည်။ ထင်ရှား ကျော်ကြားသူဖြစ်ချင်သဖြင့် ကြိုးစားရင်း ထက်ထက်မိုးဦး ထမိန်လျှော်ရကိန်းမျိုးလည်းရှိသဖြင့် အတတ်နိုင်ဆုံး ငြိမ်ငြိမ်လေးနေပါ။ ကျန်းမာရေးတွင် ကျော်မကောင်း၊ ကြားမကောင်းဖြစ်တတ်သည်။ ပညာရေးတွင် ထွန်းထွန်းပေါက်ပေါက်ဖြစ်ဖွယ်ရှိသဖြင့် စာအုပ်များအနီးတွင် ဖယောင်းတိုင်ထွန်းခြင်း၊ ချွန်သောခဲတံ၊ ဘောပင်များဖြင့် စာရေးခြင်းကိုရှောင်ပါ။ အချစ်ရေးတွင် ထိပ်ထိပ်ပြာပြာဖြစ်လောက်အောင် တွဲချင်သူများပေါမည်။ အညံ့များဝေးစေရန် ယတြာမှာ ဒိန်ချဉ်သည်တစ်ယောက်ကို ဒစ္စကိုခေါ်သွားပြီး ဓါတ်ပြားဟောင်းကြီးသီချင်းဖြင့် Dance ပါ။